Hadien wa ku biang kiwa yoh COVID-19 ha kylleiñ ka pyrthai neiliang ka Indian Consulate General da kyntu ko ya ki Muslim kiwa em hapoh ka ri kiwa thmu wow lai Haj ha uni u snem wow chim ki ya i dawai yada COVID-19.
Da kyntu wow lai chim ya i dawai pyn daki (paidbah) hi hadooh ka sien wa ar (Second Dose) chwa wow mih u lai Haj.
Ka Haj toh kawa waroh ki Muslim u pyndep ki ya ka chisien chi rta deiwa lai cha Mecca, Saudi Arabia kawa man kawi na ki chnong wa kyntang dooh yong ki Muslim.
Neiliang u CEO ka Haj Committee of India (HCI) u Maqsood Ahmed Khan da pynbna u ynnin hajrong ini i jooh i kyndon wa ym chah ya kiwa lai Haj khlem chim ya i dawai yada COVID-19 katkam i rai ka chnat i chait i khiah ka Saudi Arabia wa ka Indian Consulate-General ha Jeddah.
Kam wow pynkynmoo heini, ha u 2020, ka Saudi Arabia da kyntu ko ya ka India wymtoh u phah bru wow chimbynta ha ka Haj neidaw ka khlam u COVID-19.
