Kam chibynta wow bood ya ki kyndon wa booh daka Health & Family Welfare Department ka sorkar Meghalaya heiyatoh waka khlam COVID-19, u Deputy Commissioner, West Jaiñtia Hills da pynmih hukum u yow phah ya waroh ki paidbah ka District wow pteiñ ki u deiñ Mask hawa em ki cha lait kamjooh ha ki thaw paidbah.
Da phah leh wow pyntikna wa da tymmoh yei ktien wei khmut wei du kiwa deiñ yaki Mask u chah wow psiah ki chapoh ki yung krehkaam sorkar, ki skur, ki thaw pyn ka-it kasar, ki yaw ki haat, ki thaw mane wa kiwi kiwi.
Da pynkynmoo leh yaki paidbah wa toh u sait kti ki dei langær khamtam hadien wa da dep tba cha wah chaneiñ ki thaw wa poi kamjooh wow yajngai uwi ya uwi da 6 phut lane 2 meter.
Ya kiwa leh pyrchah daw pynchitom wei daw daiñ kuna hapoh ka Disaster Management Act, 2005 waka Meghalaya Epidemic Diseases, COVID-19 Regulation 2020.
