Ym chaniah de ka KSU Ranikor ya ka MSPCB hei yatoh wa i yap ki dakha ha wah Kynshi

Shillong: I yap ki dakha wa i kylla rong ka wah Kynshi (Ranikor) da jia biang i wei ka KSU Ranikor da dawa ki naka sorkar wow pynman ya ka takit kawa laitlooid neidaw wym chaniah de ki ya Meghalaya State Pollution Control Board (MSPCB) kawa ym pu ye ko u e jubab ko hadooh katni leh.

Ka KSU da ong ko wa ha u Naitung (April) 2017 da chem ko ya ki thlu (Borehole) wa tih Uranium ha Porkut wa em ha ki thaiñ Nongjri kiwa em hajan ki paar mooyong wa kamwa 500 meter naka Wah.

Ynnin u snem ka MSPCB da ong ko wa i daw wa kylla rong ka wah wa i yap ki dakha toh neidaw i tih mooyong.

Ha uni u snem da sdang ki bru u yoo yei yap ki dakha nadooh ka 5 tarik wei hadooh ka 19 tarik wa hiar ka KSU leh dang chem ko ya ini.