Ym chaniah ka TUR wow takit pyn da ki pulit ka Meghalaya hawa pyn da u pulit wa chah pynbaad

Ka Thma U Rangli Juki (TUR) da dawa ko wow em da ka takit kawa laitlooid wei kawa da booh dei por wow leh da ka CBI yow takit yeiwa yap u Hudderfield Rymbui uwa da ya tyrrah wa kawi ka kari pulit wa synraan ya u Montri ka chnat Tourism heipor wa lai cha ka Cherry Blossom Festival katkam wa mih khubor.

Ka TUR ym chaniah ko wa daw ye ki pulit ka Meghalaya wow takit ya kani ka kaam neibhah uwa chah pynbaad man u kam u pulit ka Meghalaya hi.

Chooh chooh da ong wa ini pynyap bru toh neidaw wa em i pynmyllien man VIP wa ka High Level Culture kiwa da yoh wow leh khlem da kheiñ de ya ka aiñ kamjooh leh ki heh sorkar kiwa da khyrniom ya ka synchaar paidbah kamjooh ki kyndon aiñ.

Ka TUR da pynkynmoo ko leh wa da em ka hukum ka Supreme Court heiyatoh kammon wow pynemkaam ya ki Siren kamjooh ki kari pulit wa bood iwa da tyngkheiñ ha Meghalaya heiwa kiwa ha-yung ha-sem ki heh ki haiñ hadooh ki yong ki Politician da pynemkaam bakla ki deiwa uiñ leh da ki kari wa pyndoom ya ki yit, kiwa pyndait Siren deiwa synraan ki pulit.

Related posts

Rai ki khynnah ka NEHU wow sangeh chipor yei chah thngan

November 20, 2024

Dawa ka West Jaiñtia Hills District Adventure Sport & Mountaineering Club yei hok u Hudderfield Rymbui

November 20, 2024

Kamtæ ka TUR da khut ko ya waroh kiwa chong chnong wow ujor yonglang ki pyrchah ya kani ka VIP Culture wei wow yieñ pyrchah yei pynemkaam bakla yei bor iwa da ktah yei rukom im kiwa chong chnong.