Kiwa yah kari da maad ki yei kthang kamjooh ki paidbah wa lai lyngba u sarokbah NH-06 ha ki thaaiñ Kuliang, Mandir chadooh Malidor hadooh wa da wiar buit kiwa yah kari neibhah wym chem luti de neidaw wa da sih palat u sarok.
Ki paidbah da pynsñiaw ki wym jooh yoo mynnu mynnu wa u sarok da sih u hadooh kat deini wei heipor wa dang chimkti da ka chnat PWD da em hi i sih u sarok tangwa ym jooh em yoo hadooh kamwa man katni.
I beiñ da lai cha ka sorkar jylla neibhah ka wym klam chi kyntien leh yei eh ki paidbah iwa da man i yoosarom wa khroo ya ka sorkar jylla.
Lada ka NHAI leh ko hadooh katni ya u surok, da toh i kaamram yong ka sorkar wow chimkhia, tangwa kopsar da yoh u jliah blooh lang wei na ini i daw ym nood ki wow klam iyi iyi.
Ki paidbah wa pli da dooh kyrmen wa mynnu u pynchna ya uni u sarokbah lada da ka sorkar pyrdi lane ka sorkar jylla. Ki seiñbhalang da pynyoo ki yei pyrchah ya ka NHAI wa ya ka sorkar deiwa khang khyrdep yei chim dan ka NHAI ha Lumshnong. Tangwa kini waroh ym poi ki cheiwon cheiwon neibhah wa ka sorkar wa ka NHAI da khlot ki chkoor da thlah ki khmat. Ka sorkar toh u jubab ko deiwa che cha ki paidbah khnang wow tip wei wow chim yei rai kammon wow lai neini chakhmat, wot lada toh wow lai deiwa tyngkheiñ aiñ leh ym phær.
Ka kyrwoh na u President KSU Narpuh Circle, u KS Suchiang.
