U MP ka Voice of the People Party (VPP), u Dr. Ricky Syngkon da rai u wym chimbynta ha ka Election yow jied ya u Speaker ka Lok Sabha ha kani ka 26 tarik.
Ya ini i rai da pyntip da u heh ka Party uwa man leh u MLA ka Nongkrem, u Ardent M Basaiawmoit, uwa da yong wa ka VPP ym kyrchaan ko ya ka NDA wa yahkhmat da ka BJP næ ya ka INDIA Bloc wa yahkhmat da ka Congress.
Hajrong ini, u Ardent da ong ko wa u MP ka VPP ym chimbynta u ha ka Election jied ya u Speaker ka Lok Sabha.
U Ardent da ong u leh wa kwah u wa ka liang pyrchah kamjooh ka liang synchaar wow jied ki ya u Speaker heithaw wow pynman da ka Election.
Kam wow pynkynmoo wa ynne ka NDA da tyrwa ko dei pyrtuid u Om Birla yow man biang kam u Speaker katwa ka INDIA Bloc da tyrwa ko da u MP ka Congress, u K. Suresh.
Discussion about this post