Katkam wa pyntip ki pulit, u K Iakai, Asst Executive Engineer, Khliehriat Distribution Sub-Division MePDCL, Khliehriat, East Jaintia Hills da ujor u wa artylli ki Cheque kiwa em tarik 25-11-20 wa ka 28-11-20 wa e da u Adarsh Jhunjhunwala, Managing Director, M/s Jud Cement, Wahiajer Narpuh (EJH) yow su ya ka bai bordiñ kani ka Company. Tangwa kini ki Cheque manda li e cha ka Bank, da pyntip wa ym dap poisa yow su yaka bai bordiñ lyngba kini ki Cheque.
Ha iwi tawon i jia, haka 9 tarik uni u bnai, u Md Naimullah uwa na Thembasuk, Madanrting, Shillong da ujor u wa haka 11-12-2018, arngut ki bru kitæ u Chandra Shekhar wa u Mohit Kumar Kashyap da chim ram ki na oo T. 5 lak deiwa kular wow su hapoh 8 bnai tangwa ym em su ki hadooh katni.
Haka jooh hi ka sngi, ka J. Shadap kawa na Laitkor, EKH da ujor ko wa u Thohlakhmi (Feb), 2020 da e ko 0.14 gram i ksiar cha i dukan thoo ksiar wa tip kam i M/s A Dohkrut Goldsmith, Iewduh, Shillong yow chna ya ar tylli ki sahkti. Tangwa hadien wa lai cha ini i dukan, uwa thoo ksiar da ong u wa ym pu em dep wow chna yaki sahkti wei dang chna yaki tangwa hadien ini, ini i dukan da man i iwa khang hadooh katni.
