Ka sorkar pyrdi ynne da pynmih hukum ko wa yow Test ya u COVID-19 hap wow leh hanla phah daki Doctor ki wym toh leh ki Doctor sorkar. Ka sorkar pyrdi da phah ko ya waroh ki jylla ki UT yow bood ya ini chisyndon yow e bor ya waroh ki Doctor (Qualified Medical Practitioners), wa kynthup yaki Doctor wa kreh yei kaam samen yong ki wow phah ki ya kiwon kiwon ki bru wow leh ki yaka COVID-19 Test deiwa bood yaki kyndon ka ICMR.
Ka ICMR da ong ko wa ki Laboratory toh u man ki kiwa laitlooid wow Test ya kiwon kiwon ki bru katkam ki kyndon ka ICMR wei ym toh wow khang yaki bru wow leh ki yaki Test wei ym toh wow pynslem neidaw wa ini daw yarap ko wow khang kset yei poor uni u khñiang.
Ka sorkar India da kyntu ko leh yaki sorkar jylla wow pynjoor yei pynemkaam yaka Rapid Antigen Point-of-Care Test nalor ka RT-PCR, kawa man kawa chniah dooh. Ka Rapid Antigen Test toh kawa smat wa ye u leh wei ye u pynemkaam ka haki Containment Zones kamjooh haki Hospital, katkam ki kyndon wa da booh daka ICMR.
Ka sorkar da pynchlur ko leh yei pynemkaam yaki Mobile Vans wa kiwi kiwi yow ye u Test yaki bru ha ki thaw wa sah ki.
