Ki Dorbar Chnong wa em kama 12 tylli, ka Elaka Darrang, ki Raij, ki seiñbhalang wa ki chnat yong ki da ya soi ki ya ka dorkhat wa da e cha u Montri Rangbah ka jylla u Conrad Sangma wow dawa pyndam noh chisyndon ya ka Umngot Hydro Electric Project.
Kam ki chnong wa em tymbud ka wah Umngot da pynsñiaw ki yei pyrchah joor ya ini i thmu ka sorkar jylla wow Dam ya ka wah Umngot yow pynmih bordiñ. Neiliang kiwa em chaneiñ ka Dam da ong ki wa ki toh kiwa im na ki thaw rep yong ki nadooh warim wa jah wei da yooluti ki wa ka pateiñ wow wan leh u im ja ki na ini hi i jooh i thaw wa rep kamjooh leh kiwa em cha wah ka Dam kiwa pynlai ya ki kaam uiñke suwari lyngba ka wah Umngot da yieñ ki ha ka jooh ka yurim wow pyrchah joor ya ini i thong ka sorkar iwa daw pyndooh yei khih yong ki deiwa dawa wow pynkut noh chisyndon ya ini wa ka sorkar da thmu ko wow leh.
Da ong leh wa da yieñ biat ki ha ka yurim wa neini chakhmat ym pdiang ya kiwon kiwon kiwa wan wow klam næ wan pynche cha ki chnong yong ki kiwa yatoh wa kani ka kaam, ym chah leh ya kiwon kiwon wow wan ki wow leh ya ka Survey ya kani ka wah neibynta i thmu wow pynmih bordiñ.
Ya kani ka dorkhat da phah leh cha ki Montri sorkar, ki MLA, ki MDC, ki CEM ka JHADC wa KHADC wa kiwi kiwi de.
