Ym e laad yei leh Drama ki tre thaw yow pynthut yei kreh ya u sarok Western Bypass

Ka sorkar Meghalaya da kular ko wym e laad ko yeiwa leh Drama da ki kattu katni ki tre thaw wow ktah yei chna ya u sarok Western Bypass Road.

U Symbood Montri Rangbah, u Prestone Tynsong da ong u wa jooh jia wa hadien wa dadep u su ya ka bai thaw, em da kiwi won wow kamtre yei thaw wa dadep thied.

“I daw bichaar i ya waroh ki ujor wa da booh da waroh tangwa u klam che wa kat wym pu tip tikna yei mantre i thaw ym su ya ka bai thaw,” da ong u Prestone.

Da khana u wa ka sorkar da chimkti ko ya i thaw wei da e kti cha ka NHIDCL, tangwa manda sdang i kreh da em kiwa wan wow pynthut yei kreh.

“Nga da phah O ya ki DC wow leh ki katkam ka aiñ wei lada emkaam yow phah pulit yow e yada wei ym chah wow pteiñ kini ki bru ya ini i Drama,” da ong u Prestone deiwa pynrap wa ka Western Bypass toh neibynta ki paidbah ymtoh neibynta i myntoi ki kattu katni ki tre thaw.

Related posts

100 tylli ki dukan wa pynyieñ ha ka Buyers & Sellers Meet wa pynman ha Jowai

December 5, 2025

I por daw poi i wa ka Them Ïewmawlong daw kylla ko kam ka Times Square: Prestone

December 5, 2025

Kam wow pynkynmoo wa i kreh ya ka Western Bypass da chah pynthut i neidaw wa mih i pyrchah neipor cheipor da ki tre thaw.

Uni u sarok wa tip leh kam ka Shillong Western Bypass toh na Lad Umsaw hadooh ha Lad Mawreng uwa sdang najan ka NEPA (Umiam) wei daw mih u chajan ka Elephant Falls, uwa jrong wa jrong 38.256 Km.