Ym elaad ka SLFC ya ka Aizawl FC wow rah ko ya ka I-League

Shillong: Kiwa pyllai ya ka Shillong Lajong da kyntu ki ya ki paidbah kiwa kyrchaan ka Lajong wow wan kyrchaan ya kani ka dhab ha ka yakhun wa khaddooh yong ka I-League 2016-17 ka wow man ha ka 30 tarik pyrchah ya ka Aizawl FC ha JN Stadium, Polo Shillong.

Neibynta ka Aizawl Football Club ka yakhun u man ko ka Final neibhah kani ka dhab na Mizoram kawa dang psiah cha kani ka lympung I-League emkaam ko du sa chi point wow pyntikna wow rah ko ya ka naam yong kani ka I-League 2016-17 kawa dang man ka yaleh wow knieh ko wa ka Mohun Bagan kawa kamai 33 point hadooh katni.

Ka Mohun Bagan daw yakhun ko wa ka Chennai City ha kani kajooh ka sngi wei lada jop ko da yoh biang ko u rah yei naam ha kani ka kynti lada rem ka Aizawl ha ka Lajong.

Neibynta ka Shillong Lajong ka yakhun ym emkaam ware ko u rem næ jop katwa ka Aizawl FC kani ka yakhun u man ko kam ka Final.

Iwa sñiaw phylla toh wa ki paidbah ka Meghalaya rap noh mynsien ki cha ka Aizawl u jop ko neibhah wa ka Lajong ym em laad de lada jop næ rem ko.

Boon ki paidbah sñiaw ki wa ka Lajong toh u elaad ko ya ka Aizawl yow yoh ko u rahnaam ko ha kani ka lympung.

Related posts

Sdang sa ki yakob yalehbol ki chynrang ha ka 1st Wailadmiki Shylla Youth Festival

January 7, 2026

Cha jied 2 ngut ki khynnah ka Jowai Grassroot Football Coaching ha ka Assam Warrior Football Academy yow yoh yei chah sikai wa dei mynkna

January 7, 2026

U Jeremy Wahlang uwa man kam uwa ebuit ya ka Lajong da ong u wa ka Shillong Lajong ym elaad ko ya ka Aizawl FC ha kani ka y