U MLA ka Nongkrem, u Ardent M Basaiawmoit ynne hapoh ka yung dorbar da wanrah u ya ka phang yaklam deiwa ong wa em i leh chiliang hapoh ka MPSC wei ym em de man ko kawa laitlooid wei da chah pynlai ko ha ki bru wa em hei bor deiwa e nongmuna yei mih khubor ini wadep khamtam heiyatoh waka Exam MCS (Prelims).
U Montri Rangbah, u Conrad Sangma hawa pynche yeini da ong u wa ki khubor wa mih toh kiwa khlem da pyntikna hadien wa kawi ka seiñbhalang da yoh ko ya kawi ka chithi na ki bru wa kam kam kiwa yaleh ya ka MCS heiwa da sai ki yei pyrtuid ka A. Marak, ka khon u Secretary ka MPSC kam kawi na ki 6 ngut kiwa pyrchah yei pynmih paidbah yei Marks kiwa yaleh ya ka Prelim Exam ka MCS.
U Conrad da ong u wa kani ka khon u Secretary ka MPSC ym em tang u chah jied namo Qualify ko wei ym em mih i Roll Number ko hawa pynbna nyngkong ya ka Result wei wot hadien wa kheiñ deiwi ya ki Marks leh ym em mih i Roll Number ko. Wei ini i chah taan i pyrtuid ko da ktah bha i yei long i man ko.
Heiyatoh wa i mih khubor wa ka da chah jied ko hei yaleh kreh LDA, u Conrad da ong u wa ka hadien wa pyndep ya ka Exam da yoh ko heiwa 77 na ki 116 ngut kiwa yaleh ya ka Exam LDA.
Kamtæ da ong u wa kini ki khubor wa da pynmih toh kiwa khlem da lai pyntikna na ka MPSC iwa da ktah bha yei pyrtuid wei burom kani ka Commission.
Da ong u leh waroh iwa leh ka MPSC nadooh wow pynkhreh ya ki Question Paper toh iwa laitlooid wei deiwa murieh wei neiliang ka sorkar ym ye ko wow tuklar.
Puræ leh: Pdiang ka MPSC wa em i bakla ha ki Answer Key ka Exam MCS
Puræ leh: Kawi na kiwa pyrchah yei pynlait paidbah yei Marks kiwa yaleh MCS toh ka khon u Secretary ka MPSC
Discussion about this post