U kyrtong ka Indian National Congress uwa man leh u MP ka Shillong, u Vincent H Pala da ong u wa katni la kamwa 7 bnai haroh, ka Enforcement Directorate (ED) ym em de khut hajir ko ya oo boi wa ye u man wa ka takit da kut neibhah da dep u wow jubab ya iyi wa da kylli.
U Vincent Pala ha ka rynsan yalap Election MP kawa da man ynne ka janmiet ha Laitumkhrah, East Shillong Constituency da kynthah u deiwa eh yaka BJP deiwa pynbaad wa da pynemkaam bakla ki ya ki chnat sorkar pyrdi kam ka Enforcement Directorate (ED) waka Central Bureau of Investigation (CBI) yow jop Election.
Kam wow kdaw heini, u Vincent Pala kam u MP da chah khut u hakhmat ka Enforcement Directorate cha Delhi ha u Naikhynde yong u snem 2022 yow takit hajrong i yarap u ya kawi ka chlem e sikai.
Hawa kylli hadien ka yalang, u Vincent Pala da khana u wa da boon sien da chah khut u ha ka ED, wei da pynrap wei kyrmen u wa kani ka takit wa katni dapoi ko cha wakut hanla ym em de ong ki iyi iyi kattu la kamwa 6-7 bnai wei ym em de chah khut u ha ka ED.
Discussion about this post