Ym em de chem ya kiwa chah kset ha krem mooyong ha Ksan ynne ka sngi

Jowai: Ka yaleh wow thooh ya kiwa chah kset hapoh ka krem mooyong wa em ha Ksan dang pteiñ hi ko ynne ka sngi heiwa u Dr. Dewashish Kumar, Senior Scientist wa kiwa kreh lang wa oo da leh ki ya ka Electrical Tomography ha kani ka thaw yow sñiawthooh kammon man ki moo wa em ha kani ka thaw wei da chem ki wa boon ki thaw wa da man thylli nei tih mooyong.

Katwa u Dr. Niraj wa kiwa kreh wa oo won da leh ki ya ka Gravity Survey yow sñiawthooh kammon tooid ka um.

Neiliang ka Company KSB kawa na Germany da ye ko u pynkrehkaam ya ki ar tylli ki Pump yong ka kiwa khlan bor 30HP wa 52HP hadien wa boon sngi ym ye u pynkrehkaam ya ki nadooh wa poi ki.

Da sdang pynkrehkaam chwa ya ka Pump wa khlanbor 30HP nadooh 4:30 i janmiet.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka CIL da pynemkaam ko ya ki ar tylli ki Pump yong ki nadooh ynnin i janmiet hadooh 5 waje i janmiet ynne ka sngi wei da sangeh ki ar kynta yow thap phniang wei waroh ka pynemkaam ya ki Pump da 22 kynta wei kini ki ar tylli ki Pump da sai um ki 2494800 liter.

Ka Odhisa Fire Service won da sangeh ki wow pynkrehkaam ya ki Pump yow e laad ya ka Planys Chennai Technology yow pynkrehkaam ki ya ka kor ROV yow chem chooh chooh ya ki thlu paar mooyong deiwa leh ya ka Sonar Mapping wei ym em chem ya ki dak ki chin kiwa chah kset.