U Montri Rangbah ka jylla, u Conrad K Sangma da ong u wa ha Meghalaya ym em de ki karkhana Coke kiwa krehkaam pyrchah ya ka aiñ, neibhah ya kiwa krehkaam pyrchah aiñ dadep khang lut wei lada em kiwa thmu wow sdang ya ka karkhana pyrchah aiñ, ym elaad ya ki.
U Montri Rangbah da ong u yeini hawa kylli wa da mih i sur na kiwa boon ki liang wow pyndooh ya kini ki karkhana ha ka sngi lehwarom ya ka rymaw ha ki sngi wa dadep.
U Conrad da ong u wa ka sorkar kwah ko wow lait nei ktah ka rymaw, kamjooh ya i yoh i laa, heiwa da pynsñiaw u wa man iwa eh, wei neini i daw emkaam wow booh ya ki kyndon neibynta kiwa kwah wow booh karkhana.
Chooh chooh da ong u wa kamwa man katni, ha ka jylla Meghalaya ya kiwon kiwon ki karkhana Coke wa da seiñ pyrchah aiñ da phah wow khang ya ki, wei kiwa em toh du kiwa da yohbor wei kiwa da pynbiang ya ki kot ki sla.
U Montri Rangbah da ong u wa katni ym em de ki karkhana Coke wa man pyrchah aiñ ha ka jylla kiwa krehkaam, wei iwa ar toh wow wanrah ya ki rukom krehkaam thymme kiwa ye wow yada ya ka rymaw ha i rukom kreh wei heijooh i por wow wai leh ya ki thaw wow yoh kreh.
