Ka seiñ HANM ha ka Wyrta ynne ka sngi da pynche ko wa hadien wa da chong yalang ko ynne i janmiet, da rai ko wow dam noh u kyrchaan wow kyrriah ya ka PWD North Division na Jowai cha Shangpung deiwa kyntu ya ka sorkar wow pynneh ya ka ha Jowai yow suk liang wanang ki bru ka District.
Ka seiñ da pynche chooh chooh ko wa ini i kyrchaan mih i na ki bru samen ymtoh naka seiñ, neibhah ka seiñ hi ym em yutip ko hajrong ini waroh.
Hei sakhiat ka seiñ HANM kam ka seiñ wa kreh neibynta i bha i miat kamjooh i myntoi lang ka jaitbru waroh kawi da pyrkhat jngai ko wa ymtoh u rah ya kani ka yung krehkaam neibhah lada pyrkhat jngai ymtoh du kiwa naka thaaiñ Laskein næ Shangpung kiwa khih wa kreh ha kani ka yung krehkaam nadooh ki wakreh ha ka hadooh kiwa khih Contract.
Hajrong ka Sub-Division leh da em chwa ko ha Shangpung kawa da pynsuk yei emkaam ki paidbah ka thaaiñ.
Kamtæ hajrong kani ka yurim ka seiñ da kyntu lang ko wa ymtoh ware u pyrkhat du yei myntoi samen, tangwa i por yah i wow sñiawthooh lang hapyrdi waroh kam ka dak yong i yatylli wei yakrehlang.
Khaddooh ka seiñ da pyngkut ko deiwa ong wa ka seiñ ym emkti de ko wow dawa kyrriah ya kani ka yung krehkaam.
Kani man ko katkam ka Wyrta na ka seiñ lyngba u D. Dkhar u Chief Adviser ka HANM.
