Ynne ka sngi wa ar yong ka Dorbar Mang Tangka ka JHADC, u MDC ka Mukhla Ummulong, u Nehimaia Lamare da kylli u katwon wa da pynlait ya ka MDC Scheme nadooh ka 1 tarik u Naitung (Apr) 2023 hadooh kini ki sngi.
Hawa jubab yeini, u Dy. CEM, u Lasky Rymbai da jubab u wa ym em de u pynlait ya ka MDC Scheme nadooh itai i por wei hanlada da em i bhah ha ka Mang Tangka wa Rs. 1 klur tangwa neidaw wa chem chitom ha ka poisa poilaiñ hapoh ka Council tæ da pynsangeh chwa khnang wow ye u su tulop chwa.
Hajrong ini, u Nehimaia da ong u wa ki paidbah yooluti bait ki wow yoh ya ka MDC Scheme deiwa kyntu ya ka Council wow em i synchaar wa khooid iwa hok.
Neiliang u MDC ka War Central, u Jamshaphrang Pohtam da kyntu u wow em i jooh salonsar hawa pynlait ya ka MDC Scheme khnang wow man i jooh ya waroh kamwa man ka MLA Scheme.
Discussion about this post