Ka KSU Namdong Area Unit ha ka kyrwoh wa da phah da u General Secretary, u Juhhi Tariang da ong wa ki paidbah ka thaaiñ da ujor ki cha ka seiñ hajrong i eh wa ki maad ki neidaw wym em Doctor ha katai ka CHC la chi bnai kattu hadien wa lai chuti ka Doctor.
Ka seiñ da dap ko dei sñiawdiaw mynsien hawa yaka PHC da dep pynku kyrdan cha ka CHC tangwa yoo sarom wow ong wa da dep pynku kyrdan hawa ym em uwi leh u Doctor ha kani ka thaw sumaar wei kiwa kreh leh ym ye ki wow pdiang ya kiwa kjut wa chitom neidaw wym em Doctor.
Ka seiñ da dawa ko na ki bor wa haneiñ wow pynbiang smat ya ki Doctor kamjooh ki Nurse wa kiwi kiwi ki emkaam ha kani ka thaw lym kamtæ daw khang noh da u tala.
Da ong leh wa kammon u hun yeiwa em du ka yung thaw sumaar wa heh khlem ki wakreh wa biang kiwa toh u em katkam ki kyndon ka PHC hawa toh u em ar ngut ki Doctor.
