U Symbood Montri Rangbah ka jylla uwa man leh u National General Secretary ka NPP, u Sniawbhalang Dhar da kyntait u ya ki khubor wa daw em i kylla hapoh ka Sorkar MDA-II, hadien wa da pynbna ya ka Result yong ka Election Sohïong.
Neiliang u Sniawbhalang hawa klam wa kiwa thoh khubor ynne ka sngi, da ong u wa ki seiñ saiñpyrthai hapoh ka sorkar synrop Meghalaya Democratic Alliance (MDA-II), yatylli ki wei ym em i kylla iyi iyi wot hadien yong ka Election.
Hawa yatoh wa i yaklam heipor Election wa daw em i kylla hapoh ka sorkar, neiliang uwa yahkhmat ka NPP da ong u wa kitæ waroh toh du ki klam yalap Election, wei iyi wa klam wei jia heipor Election u kut noh hadien wa kut ka Election.
Hawa kylli heiyatoh wa ka Result yong ka Election, u Sniawbhalang Dhar da ong u wa hap wow yang ya katai ka sngi yow pynbna ya ka Result, wei ya katni ka NPP leh u kam ko wow jop wei ka UDP leh da kam ko wow jop na katai ka Constituency.
