Ym em i leh bakla ka CHC Mawïong hawa pyrchang sumaar ya u Dr. Ricky katkam wa chem ka takit

U Montri wa pait ya ka chnat i chait i khiah, Wailadmiki Shylla da pyntip u wa katkam ka Report na ka District Medical and Health Officer (DMHO), East Khasi Hills da kdaw che wa ym em i bakla iyi iyi hawa pyrchang wow sumaar ya u MP wa da khlaad noh, u Dr. Ricky AJ Syngkon ha ka janmiet yong ka 19 tarik uni u bnai ha CHC Mawïong.

Da ong u wa katkam ka Report, ha ka 19 tarik heipor 6:53 i janmiet da yoh Phone ka 108 wei da phah Ambulance wut-wut cha Mawïong wei heipor kamwa 7:15 i janmiet da wanrah ya u Dr. Ricky cha CHC da ki bru ha kawi ka kari, wei hawa poi ha CHC da chem ka Nurse wa pait ya ka Emergency wa u Dr. Ricky ym tip yongbru de u wei da pyntip cha u Doctor katai ka CHC uwa em ‘On Call’.

Da pyntip leh wa neiliang kiwa kreh ka CHC da pyrchang wow leh katwa ye heiwa da pyndait Oxygen, da leh CPR wei da chem leh wa ym em Blood Pressure hawa thaw wei ym em leh i Pulse, kamtæ da phah wow pynkit noh cha Hospital wa rap bha wei heipor kamwa 7:20 da pynkhreh wow pynkit noh ya u Dr. Ricky da ka Ambulance kawa em leh ya ka Oxygen wei heipor kamwa 7:40 dapoi ha Emergency ka Dr. H Gordon Robert Hospital, Shillong.

U Wailadmiki da pyntip u wa katkam ka takit da chem wa da leh lut ya waroh iwa emkaam hawa lai rah cha CHC Mawïong wei ym em kyntait wow e sumaar.

Related posts

Da pynkhreh ya ka Service Rules neibynta kiwa kreh ka Bharat Scouts and Guides: Lahkmen

February 24, 2026

Da chem ya ki chyieñ wa suba yong u bru wa haap na yingkieñ 8 bnai nachwa

February 24, 2026

Heiyatoh wa i wym em Doctor ha katai ka CHC heipor wa lai rah ya u MP, u Montri da ong wa da thung 4 ngut ki Doctor ha katai ka CHC, tangwa ar ngut da lai puræ PG, kawi da kyrriah noh cha Khliehriat neidaw wym chait bha ko, wei ha katai ka CHC da em sa du uwi u Doctor wei hawa takit da chem wa uni u Doctor da em u waroh chi sngi nadooh 9:00 waje i step hadooh 4:00 waje i janmiet ha CHC yow pait ya kiwa kjut wa kiwa wan chim dawai (OPD), tangwa neidaw wa em du oo samen u Doctor ha katai ka CHC, da man bait u kam uwa ‘On Call’ lada emkaam sumaar, tangwa sñiawsih won wa heitai i por wa lai rah ya u Dr. Ricky ym em u Doctor ha CHC.

Tangwa da ong u wa waroh i sumaar wa da e toh deiwa bood thij kammon wa toh u leh manda emkaam i yarap wa jhan namo ka Medical Emergency.