Jowai: Ka Khasi Jaiñtia National Union (KJNU) Central Body lyngba u Public Secretary u W. Sungoh da pyntip ko wa ym em ieh u President yong ka u Niman N. Shadap ya kani ka kaam na ka seiñ, wei yeini da pynemkaam bakla u Andries Suchiang yei pyrtuid ka seiñ wa ya i pyrtuid u President ka seiñ.
Ka seiñ da pyntip ko wa u Andries Suchiang toh u President ka seiñ Jaiñtia National People Organisation (JNPO) wei da beiñ joor ko yei leh u wei yei kam yong oo wa da e kti ya ka kyrdan President ka KJNU cha oo (Andries).
Ka seiñ da ong ko leh wa ka ym tipmit ko ya u Andires wei ka hapoh yong ka em ko boon ki dkhot wa stat wa chemphang wei kammon u e hi-eh yei kaam President cha u bru wa ym tipmit.
Ka seiñ da maham ko leh ya ki kiwa pynemkaam bakla yei pyrtuid ka seiñ wei ym maap ko ya ki da kammon kammon leh.
Discussion about this post