Jowai : Ka khubor wa em ki poisa naar wa chna thok da poi ko kylleiñ kylleiñ wei da em ki chnong hapoh ka ri da mih i kulmar hadooh wa boon ki dukan da sdang ki u kyntait ya ki.
Cha ki yaaw ki hat da chem wa em ar jait ki poisa naar wa chongdor T. 10. Ka wi toh kawa em ya ka Chaap (Symbol) ka Rupee ka wi won ka wa thoh Rupee ha tre u 10. Na kylla won da em 10 tylli ki lain ha khlieh u 10 katwa kawi won em 15 tylli ki laiñ wa ki laiñ ar tylli ha neiñ wa ha wah.
Ya ki poisa naar wa em 15 tylli ki laiñ wa ki wym em ya ka Chaap (Symbol) ka Rupee ki paidbah boon da kheiñ ki wa kini toh ki poisa thok.
Haap kynmoo leh wa ya ka chaap Rupee won da sdang pynemkaam ya oo nadooh ka 26 August 2010 katwa ka poisa naar wa 10 won da pynmih chwa yeini.
Neiliang ka RBI da ong ko wa nadooh wa pynmih ya ka poisa naar 10 da em boon kiwa da pynkylla ha i rukom chna (design) ya ki wei neiliang yong ki ong leh wa ym em chem ki ya ka poisa thok hadooh katni wei dang lai yaaw hi ki.
Heijooh i por leh ong ki wow chna ya ki poisa naar wa thok toh iwa syad kamtæ boon i lut bar yei yoh nong u chna poisa naar wa thok.
Ha wah toh ki dur yong ki poisa naar wa 10 kiwa da kylla na i por cha i por.
Discussion about this post