Ym em ka West Jaiñtia Hills ya ka Committee yow kem ya ki ksaw wa khlem tre

Ka mukotduma PIL wa da yaleh ha Meghalaya High Court heiyatoh wa ki ksaw wa khlem tre heiwa da dawa kiwa yaleh wow kem, u pyndooh khon wei wow booh thaw kset ki, da chong bichaar biang ka da u Justice I.P. Mukerji, Chief Justice wa u Justice W Diengdoh, Judge.

Nyngkong ya kani ka mukotduma da yaleh ka du neibynta ki thaw wa haap hapoh i pait i yoo ka Shillong Municipal Board tangwa kattæ da man ko neibynta waroh kawi ka Meghalaya heiwa ka High Court da phah ko wow pynkrehkaam ya ka Animal Birth Control (Dogs) Rules, 2001 kawa da chna katkam wa da pynmih hapoh Sub-Section (1) ka Section 38 ka aiñ Prevention of Cruelty to Animals Act, 1960.

Hawa chong bichaar ynnin ka sngi, neiliang ka muktiar ka sorkar da ong ko wa da thung ya ki Committee hapoh ka Rule 4 ka Animal Birth Control (Dogs) Rules, 2001 katkam ka Section 38(1) ka aiñ Prevention of Cruelty to Animal Act, 1960.

Related posts

10 snem phah kset ka yung bichaar ya uwa slaitbor ya ka khynnah wa dang 12 snem

January 19, 2026

Deiwa khang ka AH&Vety Check Post da ki phaw snem khlem em de wa pait wa sylli ya ki dakha, ki syiar, ki sniang wa psiah cha Meghalaya

January 19, 2026

Da pyntip ko leh wa ya kani ka Committee da em ko ha waroh ki District ka jylla lait noh ha South Garo Hills wa West Jaiñtia Hills District yow leh ki katkam wa da kdaw hapoh ka aiñ yow yada nei maa wa da booh ki ksaw wa khlem tre deiwa kem ki, u sumaar ki, u e tika, u pyndooh khon ki wei yow kset ki hapoh ki Dog Centre.

Ka yung bichaar da ong ko wa u yang yei jubab na kini ki ar tylli ki District yow thung ya jar jiar ka Committee.