U Symbood Montri Rangbah ka jylla, u Prestone Tynsong da pyntip u cha kiwa yahkhmat ka seiñ Hynniewtrep Youth Council (HYC) wa ka sorkar ym em khih jhan ko iyi iyi wow wanrah ya ka luti rel cha East Jaiñtia Hills hadooh Khliehriat.
Kam wow pynkynmoo wa u Montri Rangbah ka jylla, u Conrad Kongal Sangma da ong u wa da em ka puræ bniah ha East Jaiñtia Hills wow pynpoi ya ka luti rel hadooh Khliehriat.
Hawa klam hadien i yachem wa u Symbood Montri Rangbah, neiliang u General Secretary ka HYC, u Roy Kupar Synrem da khana u wa neiliang u Prestone da pyntip u wa ym em kam itæ i thmu wei ym tip u iyi iyi ya iwa klam u Montri Rangbah ka jylla.
Chooh chooh da ong u wa neiliang ka HYC da khana ko wa ka seiñ da klam che ko cha ka sorkar wa la kammon kammon leh ym chah wow wanrah ya ka luti rel hapoh ka ri Khasi-Jaiñtia katwa ym pu em ya ki aiñ wow yada ya ka jaitbru nei chah tlep ha kiwa na baar.
