Ka JSM da pyntip ko wa nadooh u Naiynru wa ka JSM Eastern region hapoh i yahkhmat u Shnalad Rymbai u pynkrehkaam noh ko ya ka JSM-Employment Youths Cell hapoh ka ri-loom Jaiñtia neidaw wa da yoo waka sorkar Meghalaya ym ye de ko wow chimkhia ya ki khon khynroo ka jylla Meghalaya kiwa da pyndep yaki kyrdan puræ waphær waphær.
Ka seiñ da ong ko wa da leh ya ini kam chibynta wow pynyoh khih yoh khan yaki tre ri hapoh ka jylla Meghalaya, deiwa kylli leh yaka sorkar kammon kitæ ki jait kreh wa ki nong Meghalaya ym ye ki u khih u khan neibhah da tip che wa nadooh ki Civil Engineer kamjooh kiwi ki kyrdan waphær waphær wa ki khon ka jylla da boon wa pyndep ki.
Kamtæ lada ka sorkar ym chimkhia ko ya ini, pynyoo ko wym emkaam ki bei ki pa u pynlai skur ki ya ki khon yong ki neibhah nalor wa dep puræ ya kiwa boon ki kyrdan tangwa manda poi ha ka jylla ym yoh ki yeiwa mut ki.
Ka seiñ da ong ko wa da yoh yei jubab ya ini neidaw wa ka sorkar jylla pdiang ko yaki baar jylla u wan kreh ki hapoh ka jylla yong i du wow yoh myntoi ya ka muna samen kamtam ya ki Contractor wa em ha ki chnat waphæ waphær wei lada chem ya ki wa wanrah ki yaki baar jylla u kreh ki haki kaam waphær waphær wa em haka jylla yong i, toh ki Contractor u kitkhlieh lada wan u COVID-19 ha ka East Jaiñtia Hills District.
Discussion about this post