Ym em kiwa ye u ong deiwa tikna wa yoo yei lai i wan ki chi kurim wa wiar

Ki pulit ka Sohra Police Station deilang ki bru ka State Disaster Response Force (SDRF) hadooh ynne da pteiñ ki yei thooh ya ki chi kurim kiwa tip kam ka Sonam Raghuvanshi wa u Raja Raghuvanshi kiwa da wiar nadooh ka 24 tarik u bnai wa dep.

I thooh da pteiñ i nadooh ki thaw wa man khloo kamjooh ki synrang ka thaaiñ Mawkdok wa Dympep wei da pynheh leh yei thooh chadooh ki thaw ka Laitduh, Mawkma wa Lad Mawphlang deiwa chibynta leh kiwa chong chnong.

Kiwa ha-yung ha-sem kini kiwa wiar kiwa na Indore, Madhya Pradesh leh da wan ki wow thooh ya kini kiwa wiar.

Katkam wa da tip yeini wa jia, kini ki ar ngut dapoi ki ha chnong Mawlakhiat ha ka 22 tarik u Naisan kawa dang haap hapoh ka Elaka Mynteng wei da wan ki da kawi ka Scooty wa chim wai ki dei thmu wow lai cha ka yingkieñ jri wa ar mala wa em ha Nongriat.

Manda poi ha kani ka thaw da su ki ya uwi u Guide uwa tip kam u Bha Wansai yow yahluti ki wei da sah miet ki ha Shipara Homestay kawa em ha Nongriat wei da mih ki heipor 6:00 waje i step ka 23 tarik dei thmu wow lai cha Mawlakhiat.

Related posts

Ym yoh jubab ka WJSU ya ka RTI wa da kylli chaphang i pynchna ya ka madan ha Amlarem

June 2, 2025

Sdang ka bynta wa ar ka Nasha Mukt wow yakhun pyndooh jait yei pynemkaam drugs

June 2, 2025

Tangwa ym em wa ye u ong deiwa tikna wa lai ki na Nongriat cha Mawlakhiat wei kamjooh wa lai chim ki ya ka Scooty ki kawa da pynyieñ ki ha Mawlakhiat heiwa ha ini i por em boon bha ki bru wa lai wa wan.

Hei miet ka 24 tarik heipor 9:00 waje, u Sordar ka Sohrarim da lai pyntip u yeiwa em wa ieh ya kani ka Scooty wei da chem toh ki yong kini ki chi kurim lyngba ka E-Challan iwa da pyntikna ha ka 25 tarik heipor kamwa 2:30 i sngi, kamtæ da booh FIR da kiwa emyatoh kini kiwa wiar.

Da chem leh wa ha ka 22 tarik, kini ki chi kurim da ieh ki ya ki tiar ki tar ki ha Manha Homestay, Saitsohpen, Sohra neidaw wym em thaw sah kamjooh wa joor u slap, kamtæ da e ki leh yei Phone Number ki yow lai thooh thaw sah tangwa hadien da tip wa da lai bait ki cha Nongriat.

Hadien wa wan kiwa emyatoh kini, da wai ki ya kini tiar ki tar tangwa ym em chem iyi iyi wa yoo phær wei yoo suba.

Iwa eh u tip cheiwon lai kini ki chi kurim toh wym em wa yoo wa lai ki na Nongriat cha Mawlakhiat wei yeiwa pynemkaam ki ya ka Scooty ki na i thaw wa ieh ki ka.