U MLA ka TMC, u Charles Pyngrope da ong u wym em kiwa ye u khungiat ya oo wow leh ya iwon iwon lait nei mon laitlooid yong oo.
Hawa jubab hajrong i mih khubor wa daw mih noh u na ka TMC, u Charles da ong u wa ym em iyi iyi i thmu wei ym tip u yeitæ wa em i thmu wow yut noh napoh ka TMC wei oo kam u President ka TMC Meghalaya leh ymtip u yeini.
Hajrong i tipmit ya oo kam uwa yahkhmat ka liang pyrchah hapoh ka yung dorbar chna aiñ, u Charles da ong u wa ini chong bait ko hei stat u Speaker wei ka Party ieh ko yeini i rai ha oo.
Da ong u wa lada ym ye u pynhun ya ki kyndon ka riti synchaar ka ri wow yoh MLA hadooh 10% na ka 100% ha ka Liang Pyrchah ka yung dorbar chna aiñ, ym em ka aiñ næ ka kyndon kawa kdoh ya u Speaker wei man u uwa laitlooid wow rai yow thung ya uwa yahkhmat ka Liang Pyrchah.
Discussion about this post