Ym em mon ka sorkar wow pynchitom ya kiwa tih mooyong pyrchah aiñ: High Court

Ka Meghalaya High Court da chong bichaar biang ko ya ka mukotduma wa yatoh wa i tih mooyong pyrchah ya ka aiñ hapoh ka jylla ynnin ka sngi heiwa ka sorkar jylla leh da e ko yei jubab haka 20 tarik uni u bnai lyngba u Commissioner ka Mining & Geology Department.

Neiliang u Justice B.P Katakey (Retd) uwa da thung yow pait yei pynkrehkaam ya kiwa da phah da ka Supreme Court waka National Green Tribunal (NGT) heiyatoh wa i tih mooyong hapoh ka jylla, da e u leh ya ka Interim Report wa nyngkong ha ka 20 tarik uni u bnai yeiwa da leh ka sorkar hadooh ka 15 tarik uni u bnai hadien wa da pynmih ya ki kyndon wa toh u leh.

Hadien wa puræ ya kani ka Interim Report, ka yung bichaar da chem ko wa kiwa boon wa da phah leh ym em pynkrehkaam nadooh kiwa dang thymme kamjooh leh kiwa da pynmih da boon snem nachwa.

Hajrong ini da kylli naka Chief Secretary i daw wym pynchitom ya ki heh sorkar wym ye ki u pynkrehkaam wa phah da ki yung bichaar da boon snem nachwa.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da phah leh wow dai noh ya u mooyong wa da dep tih yow lait u yakhleh wa u mooyong wa dang dep tih, wei yow ye u leh yeini da pyngngat lang ya ka Coal India Limited kam kawa embynta lang ha kani ka mukotduma yow pyntikna u dai smat ya uni u mooyong uwa da dep tih.

Ya kani ka mukotduma u chong bichaar biang hadien ar tayaw wei ka sorkar jylla toh u pynkhreh ko iwa toh u leh ko deiwa booh dei por wow pyndep heiwa yeini toh u mynjur da u Justice Katakey yow pynkrehkaam ya waroh iwa da phah da ka Supreme Court waka NGT.

Ya u Justice Katakey da toh u su sa T. 1.50 lak wei toh u yoh u ya ka thaw krehkaam hadooh wa pyndep yeini deiwa pynlut T. 30,000 chi bnai.

Chooh chooh ka High Court da ong ko wa da yoo lakam wa ka sorkar jylla ym em ko i mon wow pynchitom ya kitu kiwa emkti lane kiwa pteiñ wow tih mooyong pyrchah ya ka aiñ wei ka yung bichaar ye ko wow chim rai deiwa khor lada ka sorkar ym ye ko wow leh yeini.

Ka yung bichaar da kdaw ko leh wa da yoh yei jubab na ka Central Pollution Control Board, ka North-Eastern Space Applications Centre waka Regional Office ka Ministry of Environment & Forest.

Ya ka mukotduma daw chong bichaar biang ha ka 12-07-22.