Hadien kattu sngi wa ka United Liberation Front of Asom (Independent) ULFA(I), da kam ko wa da booh Bomb ko ha ki 24 thaw ha kylleiñ ka Assam wow tympdung ha ka sngi laitlooid ka jylla, neiliang u Director General of Police (DGP), u GP Singh da pynbna u Rs. 5 lak ya kiwa pyntip heiyatoh wa kiwa emkti ha ini i kaam.
U GP Singh da pynbna u Rs. 5 lak cha kiwa bien u khana heiyatoh wa kiwa chna, kiwa kit wei booh ya kini ki Bomb IED.
Chooh chooh da pyntip u wa u Additional DG (Headquarter) wa u Inspector General (STF) daw lai ki cha ki District ka Upper Assam wow booddien yei takit wei da sñiawskem u wa daw ye u kem ya kiwa emkti wow pynthut yei chongsuk.
Kam wow kdaw heini ki pulit ka Assam da yoh ki wow tynyap wei da chim ki ya 10 tylli ki Bomb na kylleiñ ka jylla.
Neiliang ka ULFA(I) da e pyrtuid ko ya ki 19 na ki 24 tylli ki thaw wa da booh ya kini ki Bomb wei ya kini da phah lyngba ka email cha ki kattu katni kiwa pathai khubor tangwa kiwi ki san thaw won ympu tip kiwa da booh wow tympdung ya ki ha ka sngi laitlooid ka ri tangwa ym em jia ini.
Kini ki Bomb toh kiwa da booh yow pdung nadooh 6 waje i step hadooh 12:00 waje pyrdi sngi tangwa ym em pdung uwi leh neidaw wa em i thut namo ka Technical Error.
Discussion about this post