U President ka KSU Mawlai Circle, u Rapborlang Nongrum da kyntait u wa em i piah næ i phær yumut hapoh ‘Ka Sur Ki Nong Mawlai’, heiwa da ong u wa ki le seiñ wa kynthup ya ka Khasi Student Union, Federation of Khasi Jaintia and Garo People wa ka Hynniewtrep National Youth Federation ki sñiaw ki wa ‘Ka Sur Ki Nong Mawlai’ dang emkaam chooh chooh ko yei kyrchaan ha kiwa boon ki liang yow yoh yei dawa.
Hawa kylli ynne ka sngi hajrong i pynman yakhih chong kyllaaiñ myngngor da ka yong ki hi, da ong wa ym em iwon iwon i piah, tangwa ‘Ka Sur ki Nong Mawlai’ ym kwah wow ya ksohkti lang wa kiwi hapoh ki ‘Sur Ka Bri Hynniewtrep’.
Kam wow pynkynmoo wa ‘Ka Sur Ki Nong Mawlai’ toh kawa da emlang hapoh yong ka 11 tylli ki sieñ wow dawa behkreh chipor ya ki le ngut ki heh pulit heiyatoh wa i yap u Cherish Starfield Thangkhiew.
Tangwa ya ka khih wa pynman ynne ka Barik, Shillong da khut pynman da ka KSU Mawlai Circle, FKJGP Mawlai Circle wa HNYF Mawlai Circle donhi.
