U Commissioner & Secretary ka chnat Puræ Puthi ka jylla, u B.D.R Tiwari da khana u wa ka sorkar pyrdi da e por ko wow thap pyrtuid ki khynroo khyllood kiwa mut wow yakhun ya ka Common University Entrance Test (CUET) hadooh ka 30 tarik uni u bnai.
Kam wow pynkynmoo wa ha ka 7 tarik uni u bnai, u Montri Rangbah, u Conrad Kongal Sangma da thoh u cha u Union Education Minister, u Dharmendra Pradhan yow dawa pynlait biang ya ki khynroo khyllood ka jylla nei yaleh ya ka CUET. Tangwa neiliang u Tiwari da khana u wa ka sorkar pyrdi hadooh katni dang pynbna donhi ko wa da e por hadooh ka 30 tarik deiwa rah na ka 12 tarik kam ka tarik wa khadooh wow thap pyrtuid wow yaleh ya ka CUET.
Ha iwi won i liang, u Montri uwa man leh kam uwa e ktien ka sorkar, u Paul Lyngdoh da ong u wa ka sorkar jylla hi kwah ko wa kiwa lai puræ ka jylla wow lait ki na kani ka Exam CUET, wei ya ini i kaam ka sorkar leh daw pteiñ ko wow booddien.
Heijooh i por u Paul da khana u wa ka Cabinet da rai ko wow pynkylla noh yei pyrtuid yong ka Capt. Williamson Sangma Technical University cha ka Capt. Williamson Sangma State University, wei ya ka Amendment Bill daw wanrah noh hapoh ka yung dorbar mang tangka kawa daw man ha ka tayaw wa nyngkong.
