Ynne da em ki bru wa da pynemkaam bakla yei pyrtuid u Wyrta wow pynpoor ya ki khubor thok wa daw sdang ka Lockdown ha Meghalaya deiwa thoh “U sdang ka Lockdown naduh 14 tarik ha Meghalaya” wei ka tarik wa pynmih ya kani ka khubor da thoh Feb 8, 2022.
Neiliang u Wyrta da kwah wow pynche wa ym em pynmih i ya kam kani ka khubor neibhah ini toh du i dur donhi wa da em wa chim (Screenshot) na ki khubor warim dep te tympleh yeiwa da dep thoh yow booh da iwa thymme deiwa pynkylla leh ya ka tarik yow pynpoor ya ka khubor thok.
Lada em kiwa phah cha phi ya ki khubor kiwa da ki Screenshot lane ki dur wym em ki Link wow Click yow pynyoo neiwon mih ka khubor, ha kiwa boon ki por toh kiwa da em wa da chna thok da kiwi.Ya ka khubor u Wyrta da pynih ha www.wyrta.com donhi lada yoo phi kiwon kiwon ki khubor wa pynpoor ki bru hei dur ki Screenshot lane kiwon kiwon ki jait dur hei pyrtuid u Wyrta yei phi u lai bait ha www.wyrta.com yow pyntikna ya ka khubor.
