Ym em sabut wa da jooh lehniam ki Hindu da ki spah snem ha krem Mawjymbuiñ

Ka Khasi Hills Autonomous District Council (KHADC) ha ka sngi Thohdieñ da chim ko ya ka rai wow kyrchaan pura yei rai yong ka Dorbar Chnong Mawsynram wow khang yei lai lehniam ki Hindu hapoh ka krem Mawjymbuiñ.

Hawa jubab hajrong ka phang yatai wa da wanrah da u MDC ka UDP na Nongpoh, u Balajied Ranee ha ka sngi kut ka Dorbar Tlang, u Chief Executive Member ka KHADC, u Pynïaid Sing Syiem da ong u wa kani ka phang dang em ko hapyrdi i bichaar ka Meghalaya High Court.

Da khana u wa neiliang ka High Court da pynmih ko ya ka hukum kawa phah ya ka yung krehkaam ka Deputy Commissioner ka East Khasi Hills wow chna ya ka Committee yow pynbait ya ini i kaam.

Kam wow pynkynmoo wa ka seiñ ki Hindu, ka Yatra Society ha u Naisaphra uni u snem da yaleh mukotduma ko ha Meghalaya High Court pyrchah ya ka Dorbar Chnong Mawsynram neidaw wym e bor ko wow pynlai yei lai lehniam hapoh ka krem Mawjymbuiñ. Wei hadien ini da phah ka High Court ya ka DC wow chna noh da ka Committee.

Related posts

Ym burom ka Pakistan ya ka Cease Fire deiwa pteiñ hi yei jooh

May 10, 2025

Da ka that chah ieh hapoh doh ka manbei wa wan kha khon ha MCH Jowai

May 10, 2025

U CEM da ong u wa ini i maham ka KSP man ko pyrchah ya ka hukum High Court wei man ko leh pyrchah ya ka aiñ wow maham, iwa ye leh wow wanrah yei kynaad hapyrdi ki paidbah ka Meghalaya wa Assam.

Neiliang u CEM da kyntu u leh ya ka sorkar jylla wow chimkhia hajrong ini deiwa pynkhlan yei bor sonteri khnang wa ki paidbah ym chah ktah ki na ini i maham ka KSP.

Hachwa ini, hawa chimbynta hei yatai, uwa yahkhmat ka Liang Pyrchah ha KHADC, u Titossarwell Chyne da kyntu u ya ka KHADC wow kyrchaan pura yei rai wa da chim da ka Dorbar Chnong Mawsynram.

Da ong u wa ka KHADC ym ye ko wow ieh hi-eh ya ka Dorbar Chnong Mawsynram samen wow yakhun ya kani ka kaam deiwa pynrap wa kam ki jaitbru ri-loom toh u yieñ tyllilang kam kawi neibhah wa ini toh i maa ya ka jaitbru.

Chooh chooh da ong u wa ini i maham ka seiñ Hindu na Assam, ymtoh du wa chah maham ka sorkar jylla, tangwa toh i chah maham leh ka dorbar chnong, ka Hima Mawsynram, ka KHADC wa ki paidbah wa chong chnong ka Meghalaya waroh kawi.

“Ka KHADC toh kawa yada yei khyndaw u chyiap ha Ri-loom Khasi wei toh u chim ko yei kitkhlieh hajrong i maham ka seiñ Hindu na Assam. I toh u beiñ joor i yeini wa maham ka seiñ Hindu kawa dawa wow chah yow lehniam ha krem Mawjymbuiñ. I da klam che i cha kani ka seiñ wa kani ka krem em ko ha ka thaw wa dang haap hapoh ka 6^th Schedule wei toh ka thaw kawa da ri da sumaar da ka Dorbar Chnong Mawsynram”, da ong u Titos.

U MDC ka UDP na Sohra da ong u leh wa ym pyrchah ya iwon iwon i lehniam, tangwa ka krem Mawjymbuiñ ymtoh ka thaw lehniam wei ym em iwon iwon i sabut wa man ko kam ka thaw lehniam da ki Hindu da ki spah snem kamwa da kam kani ka seiñ.