Ka seiñ kiwa kamai Tourist hapoh Ri-loom Jaiñtia kawa tip kam ka All Jaintia Tourist & Commercial Vehicle Association (AJTVCA) da pyntip ko wym em dam ki wow kamai kari hadien wa da em kiwa pynbna wow daw dam u kamai kari 48 kynta kam ha jylla Assam deilang wa kiwi de ki jylla.
Hapoh ka jylla Meghalaya kani da krehkaam ko ha Ri-loom Garo wei em leh kiwa ya krehlang kiwa em ha Shillong.
Kani ka yakhih man ko kam chibynta kawa da khut ha waroh kawi ka India yow pyrchah yaka aiñ thymme ka sorkar India heiyatoh wa i tyrrah bru kiwa yah kari wei hapoh kani ka kyndon wa thymme manda pynkrehkaam daw chah kset hadooh 10 snem wei ye leh u ngat waka kuna kawa Rs. 7 lak lada yut, lada ym yarap wei ym pyntip cha ki pulit.
Kani ka yakhih sangeh kamai toh kawa toh u sdang ynne wei wow pynkut mynstep ka 6 tarik.
Hawa yaklam wa u President ka AJTVCA da ong u wa hapoh Ri-loom Jaiñtia ym em sangeh ki wei mynstep leh u lai bait hi i kamai ki.
Discussion about this post