Kiwa chong chnong ka Pyrdiwah kawa em ha khappood India-Bangladesh da pynsñiaw ki wa hadooh kanti ym em iwon iwon i tieñ nei wan psiah pyrchah aiñ ki nong Bangladesh, neibhah cha chiliang u pood leh em ki Khasi ki Pnar kiwa ya tipmit bha.
U waheh chnong ka Pyrdiwah, u Ambrose Khonglah da ong u wa ka chnong smat ko wow e thaw ya ki Khasi ki Pnar kiwa na Bangladesh lada emkaam yarap næ lada em iwon iwon i jia.
Kamwa man kattæ ym em iwon iwon i psiah pyrchah aiñ wei ki BSF leh da pynjoor ki yei yada ya u pood.
U Ambrose da ong u wym em iwon iwon i sier ya kiwa chong chnong, tangwa neiliang ka chnong leh man ko kawa da pynkhreh wow yada deiwa pait bniah ki Village Defence Party (VDP). Chooh chooh da ong u wa neiliang ka chnong smat ko wow ya krehlang wa ki BSF lada emkaam iwon iwon iwa ye wow wanrah yei maa.
Hawa yaklam wa kawi ka manebi, da ong ko wa ya katni ym em iwon iwon i sier mynsien kam kiwa chong chnong, tangwa heipor miet em i tieñ ya wan psiah ki nong Bangladesh wow tooh ya ki mar ki mata wa iwa em ki.
Discussion about this post