Ym em u lailait ka sorkar hawa thung ya u Chief Secretray: Prestone

Shillong: U Symbood Montri Rangbah ka jylla, u Prestone Tynsong da ong u wa ka sorkar ym lailait ko na ki kyndon wow thung ya u Chief Secretary ka jylla tangwa da thooh ko ya ki sahep katkam ka Service Rule lada ki yong ka jylla næ ka sorkar pyrdi.

U Prestone da ong u wa heiyatoh wa ki sahep IAS kiwa man ki yong ka sorkar pyrdi ka sorkar haap bood ko ya ka Service Rule wei ka sorkar hi ym leh bakla ko heiyatoh wa ini.

Ya ini, u Prestone da jubab u yei kylli hajrong i thung ka sorkar ya u MS Rao kam u Chief Secretary heiwa ym em u chim ko ya u sahep Khasi uwa rap yohchwa, u Hector Marwein uwa da lai ujor cha ka Tribunal.

Heijooh i por da ong u wa ka sorkar dadep pynbna ko wow thung ya u Hector ha i kaam wa ryngkat wa i kyrdan Chief Secretary, wei da leh yeini neidaw wa chah ki kyndon ka aiñ.