Ym em u thmu rahbor u GS ka seiñ ya u tre dukan : EJNC

Jowai: Hadien wa mih khubor wa thmu u General Secretary ka EJNC wow rahbor ya uwi u baarjylla uwa man leh u tre yong kawi ka Hotel ha Lad-Rymbai ka seiñ da pynche ko yei wa jia ha katai ka miet.

Ka EJNC-Central Council, deilang wa i synran ka seiñ HANM-EJH, HNYF-EJZ, HYC-WJC, WJNC da lai yachem ki wa u tre ka Hotel yow chem yeiwa jia ha katai ka miet.

Neiliang u tre Hotel da pyntip u wa ha ka miet yong ka 19 tarik uni u bnai wa da em ar ngut ki bru kiwa psiah hapoh ka Hotel yong oo kiwa wan baam ja tangwa da mih i wym sñiawthooh yumut ha pyrdi u tre dukan wa ki arngut kiwa man leh ki dkhot ka seiñ EJNC ki wa da choh da bom ya u tre dukan wei hadien ini da mih ki na ka dukan khlem iwon iwon i thmu wow rah bor ya oo.

Ka seiñ da chem ko leh wa u G.S. ka seiñ ka EJNC u Sambormi Lyngdoh uwa em ha ka tai ka miet da pyntip u wa da dat u ya u tai u tre dukan neidaw wym tip u wow burom ya ki tre ri hei rukom klam u hadooh wa jrong kti u oo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kawa pynsñiaw lynngoh ya ka seiñ toh wa iyi i daw ki wa yah khmat ka chnong Lad-Rymbai (Datsympein) da pynemkaam ki ya ki ktien “Thmu u rahbor” ha ka FIR khlem da pyrkhat wa ktah ko yei burom ki khynroo ka District  neibhah u pharep toh iwa suk tangwa u pynsakhiat toh iwa eh kamtæ da kyntu ya kiwa ujor yow thooh chwa ki yei tre ha chwa wow lai cha ka aiñ.

Ka seiñ leh da pyntip ko wa ka EJNC-CC ym em de ko yei yatoh wa u Philip J Bamon uwa jooh man kam u Adviser hajrong ka yurim wa ym kwah ko u em i yapher yumut hapoh ka seiñ.

U Sambor da pyntip u leh wa da yoh jamin u.

Kani toh katkam ka khubor na u Shanbok Syad, President EJNC-CC.

Also Read: Thmu u General Secretary ka ENJC wow rahbor ya u tre dukan ha Ladrymbai