Ka KSU EJHDU ynnin ka sngi hadien wa da yoh ujor na kiwa boon ki bei ki pa ki khynnah skur wa sah Hostel ha JNV Rymbai neidaw wym biang ka um khamtam ha Hostel ki kynthai da boon sngi.
Kamtæ ka seiñ da lai yachem ko wa u Principal yong kani ka skur hajrong ini i eh ki khynnah heiwa neiliang u Principal da khana u wa ini da jia neidaw wa dooh bordiñ heipor sngi ha kini ki sngi wa da dep wei ym ye leh wow thied um.
Ka seiñ da ong ko wa najrong ini da em leh boon i eh ya ki khynnah wa sah Hostel khamtam yeiwa emkaam yong ki man-ka-sngi wei da phah leh ya kini ki bor ka skur wym toh u maad de ki khynnah yeini i eh ha ki sngi wow wan.
Da ong leh wa hawa em Hostel toh u biang lut waroh iwa emkaam ki khynnah wei ymtoh u duna khamtam ka um.
Ka seiñ da pynsñiaw ko leh ya kani ka phang hakhmat u DC uwa man u Chairman yong ka Vidyala Management Committee (VMC) yow tuklar lang hajrong kani ka bynta.
Discussion about this post