U Montri Rangbah ka jylla, u Conrad Sangma da ong u wa katkam wa da pyntip cha oo, iwa jia ha ka miet ka 25 tarik ha Lad Umsyiem toh hadien wa ki chipai BSF da yoh khyrrup ki ya ki mar wa khayi pyrchah ya ka aiñ ha khappood waka Bangladeh.
Wei hadien ini heipor miet da wan ki paidbah wa kawang moo ya ki chipai BSF hadooh wa da em na ki kiwa da mynsoo iwa da pynman ya ki wow siat pyntieñ cha suiñ donhi soo kuli.
U Conrad da ban joor u wa ini i siat ki BSF toh cha suiñ donhi wei ymem ki bru paidbah wa mynsoo na ini wa siat wei kiwa mynsoo ymtoh neiwa leh ki BSF wei dang takit yeini waroh.
Chooh chooh da ong u wa ini waroh da jia neidaw wa em kiwa khayi tooh ya ki mar da yoh noh ki BSF wow kem ya ki mar.
Hawa kylli yei sñiawkhia ki paidbah wa da lai yang sonteri ki BSF chajan ki chnong ki bru heithaw wow pait ya u pood, da ong u wa daw pait yeini.
Puræ leh: Wa chah kawang moo chah kawang klong ki BSF te siat ki cha suiñ
