U heh warim ka Pentagon, u Michael Rubin da beiñ joor u ya ka Pakistan hadien iwa jia ha Pahalgam, Jammu and Kashmir heiwa da yap 26 ngut ki bru wa kattu katni kiwa da mynsoo nei chah hiar thma ki bru ha ki damok kieñ suloi, heiwa u Michael da ong u wa ka United States toh u pynbna noh ko ya ka Pakistan kam ka ri wa pynmih ya ki damok.
Da dawa u leh wow pynbna ya u khlieh ka Pakistan Army, u Asim Munir kam u damok bah namo u terrorist.
U Michael Rubin da kylli u leh yei por wa jia ha Pahalgam, khamtam wa toh i por wa wan u Vice President ka USA, u JD Vance cha India deiwa kdaw leh yeiwa jia ha Chittisinghpura ha u snem 2000 heiwa President warim, u Bill Clinton da wan u cha India.
Chooh chooh da ong u wa iwi donhi wa ye ka United States u leh toh wow pynbna ya ka Pakistan kam ka ri wa pynmih ya ki damok wei wow pynbna wa u Asim Munir toh u damok bah.
“Ym em yaphær u Asim Munir na u Osama Bin Laden, wei iwi donhi wa yaphær, itæ toh wa u Osama Bin Laden im u ha krem katwa u Asim Munir won ha yung syiem” da ong u Michael Rubin.
Discussion about this post