Neiliang ka Department of Telecommunications (DoT), Ministry of Communications ka sorkar pyrdi da ong ko wa da em boon ki yutip wa da pynpoor ha ki Social Media kiwa da yahbakla kiwa da kam wa kani ka la-ær wa ar ka khlam COVID-19 toh neidaw wa Test ya ki 5G Mobile Towers.
Katkam ka kyrwoh na ka DoT, da ong wa kini ki yutip wa da pynpoor toh kiwa bakla wa kiwa thok chukor. Da ong leh wa ym em yatoh haprydi ka 5G Technology wa i poor ka khlam COVID-19 wei da kyrpaad ya ki paidbah wym toh wow pynpoor ya kam kini ki khubor hamsaya hawa yatoh wa ini i kaam.
Ka DoT da ong ko leh wa ym em sabut wow pynyoo wa ka 5G Technology emyatoh ko wa ka khlam COVID-19 iwa da da ka stat Science leh ym ye ko wow pynsakhiat. Chooh chooh da ong leh wa ym pu em Test ya ka 5G Network ha iwon iwon i bynta ka India. Kamtæ i kam wa i pyrchang ya ka 5G Network da wanrah ko ya u COVID-19, ini toh iwa ym em yurim wa kiwa bakla suda.
Ki Mobile Tower toh kiwa pynmih ya ki Non-Ionizing Radio Frequencies kiwa ym ye u ktah ya kiwon kiwon ki Living Cell wa kynthup leh ya ki bru. Da ong leh wa ka Department of Telecommunications (DoT) da booh kyndon ko yei bor ki Radio Frequency Field kawa tip kam ka Base Station Emissions iwa pynrkhiñ 10 chah bar ya ki kyndon ka International Commission hajrong ka Non-Ionizing Radiation Protection (ICNIRP) katkam wa da booh da ka WHO.
Ka DoT da ong ko leh wa lada em kiwon kiwon kiwa ar artatien ya ki kyndon wa i rukom krehkaam ki Mobile Tower wa iwa pynmih na ki wei lada chem ki toh wa mih ki Radio Wave palat ya ka iwa da booh, ye ki wow phah leh ya ka EMF Measurements/Testing deiwa lai ha ka Website ka Tarang Sanchar ha https://tarangsanchar.gov.in/emfportal.
