Ym em yieñ ki MLA ka VPP wow kyrchaan yaka Resolution wa wanrah u Adelbert yow pynkylla yaka Lokayukta

I wanrah u MLA ka North Shillong, u Adelbert Nongrum da ka Resolution yow chim rai ka yung dorbar chna aiñ wow pynkylla yaka Meghalaya Lokayukta da chah rem i ynne hadien wa ka yung dorbar da kyntait ko yeini. Tangwa ha kani ka yatai ym em ya chimbynta lang wow kyrchaan ya u Adelbert wot ki para MLA yong oo na ka VPP.

U Montri Rangbah ka jylla, u Conrad K Sangma hawa juba hajrong ini, da ong u wa i pynkylla yaka Lokayukta Act 2014 toh iwa da leh ha u snem 2021 yow pyndap yeiwa duna iwa emkaam wei wow pynkup bor katkam ka kyndon wa booh ka High Court wei iwa pynkylla toh deiwa booh donhi ya i kyntien “Or” heithaw i “And”.

Da ong wa nachwa da em du u Chairman wei ka Meghalaya High Court da ong ko wa i thung da u Retired Judge ym biang wei da emkaam 5 ngut ki dkhot wa kynthup wa u Chairman heiwa 50% toh u thung da kiwa man kam ki Judiciary Member, neibhah nachwa ka Rule da ong wa lada ym pu thung lut ya waroh ki dkhot, ka Lokayukta ym ye ko wow krehkaam.

U Conrad da ong u wa ha kiwi ki jylla kam ka jylla Sikkim, Haryana, Jharkhand, Himachal Pradesh, Tipura wa kiwi de da em ki du uwi u dkhot ka Lokayukta yong ki tangwa da kheiñ toh kawa man pura.

Related posts

Pynbna ka UDP ya ka thup wa ar ki kyrtong cha ka KHADC wa JHADC

December 30, 2024

Pyntipmit paidbah ka War West People’s Progressive Forum ya u kyrtong MDC

December 30, 2024

Hanla kamtæ leh ka sorkar da pynkylla ko yei ktien “And” da i “Or” iwa mut lada du uwi næ boon ngut ki dkhot leh, ka Lokayukta toh u krehkaam ko wei ka High Court leh da ngait ko yeini wei da ong ko wa ka Lokayukta toh kawa da krehkaam.

Chooh chooh da ong u wa i pynkylla yaka Meghalaya Lokayukta toh yow man ko kawa krehkaam deiwa thung ya u Chairperson uwa da chimkti yei kaam haka 01-02-22, neitæ da em leh u Secretary uwa ksoh leh yei kyrdan Secretary ka sorkar, de em leh ka Inquiry Wing kawa da dep thung wa da khlieh da u Director of Inquiry uwa da man ymtoh hapoh ka kyrdan Additional Secretary ka sorkar, da thung leh ya u Director of Prosecution neitæ da dep thung ki Officer ka Inquiry Wing wei da leh yeini da u Chairman deiwa jied ya ki pyrtuid wa da phah da ka sorkar jylla.

Da pyntip u leh wa Meghalaya Lokayukta da yoh ko 38 tylli ki ujor wei da ye u pyndep 27 tylli wa kynthup ya kiwa da dep u Charge Sheet wei kiwa dang sahteiñ toh 11 tylli.

Kamtæ u Conrad da ong u wa ini pynyoo ko wa ka Lokayukta krehkaam ko hadien wa dep pynkylla ya kani ka aiñ ha u snem 2021 neibhah i pynyklla toh du wow ong donhi wa ka Lokayukta toh u ye ko u krehkaam lada em uwi donhi leh u dkhot neibhah ki kyndon warim da ong ko wa lada ym em 5 ngut ki dkhot ym ye ko u krehkaam iwa mut daw sangeh lut waroh ki kaam wei deiwa pynkylla daw pyntikna wa daw krehkaam ko khlem sangeh.

Hachwa ini, u Adelbert hawa wanrah ya kani ka Resolution, da ong u wa i pynkylla yaka Lokayukta da pynjngut ko yei bor ka Lokayukta deiwa wanrah ki kyndon kiwa tlot neibhah i kyntien “Or” da pynkylla lut ko ya i bor kani ka aiñ.