Ka sorkar Meghalaya da pyntip ko wa da em palat 2000 ngut kiwa da liwan chapoh ka jylla wei na kini kiwa da chem wa yoh ki ya u COVID-19 deiwa leh yaka Rapid Test Kit ynnin ka sngi, ynne da pyntikna wa ym em ki ya u COVID-19.
Ya kani ka Test kawa da leh won kawa da tip kam ka RT-PCR Test kawa man leh ka Test wa phah leh daka sorkar pyrdi da Test ya kiwa chem daka Rapid Test wa em ki ya u COVID-19 kiwa liwan chapoh ka jylla wei da pyntikna wa kini ym toh kiwa em ya u COVID-19.
Ya kini waroh kiwa psiah biang chapoh ka jylla da phah leh yaki yaka Quarantine wei wow bood yaki kyndon ka sorkar.
Neiliang u montri rangbah, u Conrad Sangma da pyntip u leh wa ynne ka sngi, 163 ngut ki nong Meghalaya ki wakreh wa kiwa lai puræ ha Gujarat da poi ki ha Guwahati Railway Station heiwa da pdiang yaki da ki bru ka sorkar Meghalaya.
Discussion about this post