Ha ka yalang leh warom ynne ka sngi ya ka lyngkhooh sngi yap wa 161 wa khlaad u Khlawait ka Ri, u Kiang Nangbah, neiliang u President Rangbah ka Jaiñtia National Council, u Sambormi Lyngdoh hawa e yei klam, da beiñ u ya ki MLA ka Jaiñtia kiwa thmu wow wanrah yabor yaka luti rel ha East Jaiñtia Hills.
Da ong u wa ya katni hi ka East Jaiñtia ym pu emkaam ko ya kani ka luti rel, wei toh u e chwa yaka roi ka paar kam u sarok wa janai, ka College sorkar wa kiwi kiwi.
Da ong u leh wa katni da em kiwa thmu wow yahbakla yaka jaitbru wa da toh i por wow e jait noh cha u pa.
Kamtæ da beiñ joor u ya ini i leh yong kini ki kynhun wei da ong u leh wa ka seiñ hi ym e laad ko ya kam kini kiwa thmu wow pynyaphær ya iyi wa u warim da hikai u.
“Ka bei u Woh Kiang Nangbah toh ka Rimai Nangbah wei da sñiawthooh chwa nadooh kitu ki por nachwa leh da hikai wa ka jait hi toh iwa da chim da i yong ka bei wei ham jooh pyrchang wow yah bakla du neibynta u i myntoi samen samen yong uwon uwon,” da ong u Sambormi.
Neiliang ka seiñ ha kani ka yalang da booh syntu ko leh ha u mot u Kiang Nangbah wa em hakhmat ka yung krehkaam u DC ha Khliehriat.
Discussion about this post