Kam chibynta wow pyntikna wa lai bait ki kari wa kit Oxygen næ ka Liquid Medical Oxygen (LMO) ha waroh ki sarokbah ka ri, neiliang ka NHAI da rai ko wow pynlait ya i su dan kini ki kari ha ki Toll Plaza.
Yeini da leh neidaw wa joor i emkaam ya ki Medical Oxygen ha kylleiñ ka ri neidaw ka khlam COVID-19, wei neini ki kari wa kit ya ki Liquid Medical Oxygen u yaryngkat ki wa ki kari wa emkaam jhan namo ki Emergency Vehicle kam ki Ambulance neibynta ar bnai kat hadooh wa pynbna deiwi tawon.
Hanla ha ki Toll Plaza ym emkaam de wow yang nadooh wa pynkrehkaam ya ka FASTag, ka National Highways Authority of India da kheiñkor ko wow pynlait chwa ya kam kini ki kari wa kit Oxygen.
Hadien wa wan biang ka khlam COVID-19 da sdang emkaam chiboon ya ka Liquid Medical Oxygen ha kylleiñ ka ri iwa da ya krehlang nadooh ki Air Force, Navy, Indian Railways wa kiwi kiwi yow kit ya ki kari Oxygen.
