Ym hun ka KSU EJHDU yei e daw u EE wa ku bai bordiñ ha ki chnong ka East Jaiñtia Hills

Ka KSU EJHDU da lai ko wow yachem ya u EE yong ka MePDCL ynnin ka sngi ha yung krehkaam u wa em ha Moowakhu yow paan pynche ileh ku ka bai bordiñ ha ki chnong ka East Jaintia Hills.

Neiliang yong u EE da ong u wa i ku ka bai bordiñ ye u man na kiwa boon ki daw wei iwi toh wa jooh pynkylla yei dor deiwa pynku man-u-snem neibynta ki Domestic, Commercial wa ki High Voltage Tension.

Kawa ar toh wym biang ki Meter ha ki yung ki bru iwa pynman ya ka MePDCL wow saam ya ka bai bordiñ deiwa kheiñ antaad iwa man i dooh nong ya kitu kiwa khlem pynemkaam Heater, Refrigerator wa kiwi ki tiar bordiñ wow chet u tu tangwa kitu hi kiwa sy’at ka bai bordiñ toh kiwa pynemkaam Heater, Refrigerator wa kiwi ki tiar bordiñ waphær waphær ha ki yung ki sem.

Neiliang ka seiñ ym em hun ko yei e daw u EE ka MePDCL neibha wa ye u em iyi iyi wa murieh chadien wei ka seiñ u booddien ko yeini i ku bai bordiñ wa smat khlem iwon iwon i pynbna cha ki yung ki sem ki bru wa em hapoh East Jaiñtia Hills.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ hajrong ini i kaam daw pynman ko yaka pynsñiawthooh paidbah deiwa ya krehlang waka MePDCL Khliehriat Distribution Division ha ki chnong ki katwa ye lyngba ki chnat krehkaam ka seiñ kiwa em hapoh East Jaiñtia khnang wa ki paidbah u che chooh chooh yow ye ki u sñiawthooh rap bha hajrong kani ka phang.