Ym hun u Sajay wa ym em pynchitom ya ki karkhana wa tyngkheiñ ya ka aiñ

Jowai : U Sajay Laloo ynne ka sngi da thoh biang u cha u Chief Secretary ka jylla, cha u Additional Secretary ka jylla, cha ka tnat Forest and Environment Department wa cha u Member Secretary ka Meghlaya State Pollution Control Board (Forest and Environment Department) deiwa ong wa ka Pollution Board ka jylla wa ym em leh ko iyi iyi i thmu wow pynkrehkaam ya ka hukum ka Supreme Court hei yatoh waka jylla Meghalaya hei yatoh wa ki karkhana ki wym em pynemkaam ki ya ki Effluent Treatment Plant ki wow pynkhooid yei jakhlia wa mih na ki karkhana yong ki.

Da kylli u wa kammon dang elaad ya ki karhana wow krehkaam ki lada ym pynbiang ki ya ki kyndon ka hukum ka Supreme Court wa ong wa toh u biang na dong cha dong ki rukom pynkhooid yei jakhlia wei lada ym pynbiang yeini haap ah noh ya ki bor diñ cha kini ki thaw. Kamjooh leh da epor ya ki le bnai wow pynbiang yeini.

Da ong u wa da em 11 tylli ki karkhana wa pynmih khyndaw bilat hapoh ka jylla wei na kini da em du 2 tylli ki karkhana wa em ya ka ki “Primary  Effluent Treatment Plant” wei ym em leh ki katkam ka kyndon wa da booh.

Ki karkhana pynmih khyndaw bilat da booh ya ki ya ki ha ki kyrdan wa ktah bha ya ka rymaw tangwa neidaw wym biang iwa pait ya ini da leh ki katwa ngait wow pynmih yei jakhlia cha ka rymaw.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Iwa yoo phylla won da ong u Sajay waka Meghalaya State Pollution Control Board ym em pynchitom ko ya kini ki karkhana katkam ka hukum wa pynmih da ka Supreme Court.

Kamtæ da kyntu u Sajay ya ki bor sorkar wow chimkhai ki yeini waroh.