Shillong: U Dr. K. K. Pandita, uwa man kam u Public Relations Officer, ka NEIGRIHMS, Shillong da pynche u heiyatoh wa i mih khubor wa ong wa ym yoh doh (non-veg) hei baam na kiwa boon ki bynta yong kani ka thaw sumaar man i iwa bakla.
Da pyntip u wa hapoh kani ka thaw sumaar em ko artylli ki Canteen heiwa ha pyn artylli da chet doh wei kamjooh ki jhoor wei ki bru ye ki u jied katwa kwah ki u baam.
Ha ka dukan Coffee wa em pyn hapoh ka NEIGRIHMS najan ka thaw psiah da pyntip u wa heini leh i baam wa song dei song ye u yoh nadooh ki Chicken momo, Chicken Noodles, Chicken roll wa kiwi kiwi de ki jait baam.
Da ong leh wa waroh ki baam toh kiwa dang thymme ym toh kiwa sah wei ya kiwa thiah kjut da e bait ya ki wow baam ki artylli ki pylleiñ katkam wa phah ki doctor.
Da pynkut u deiwa ong wa neiliang kiwa pyllai kani ka thaw sumaar ym jooh em phah ki wow dam u chet namo u dai doh neibhah ki man ki kiwa emkaam ya u bru.
Discussion about this post