Jowai: U Montri rangbah ka jylla, u Conrad Sangma hawa yaklam wa kiwa pathai khubor da ong u wa heiyatoh wa i wymye wow pynlait yei tih mooyong ha ka jylla man i iwa eh bha neibhah wa ktah i ya kiwa kreh mooyong kamjooh leh ya ka rymaw.
Da ong u wa nachwa da sahkut hi-eh ko neibhah wa ka sorkar jylla ym yakreh lang ko wa ka sorkar pyrdi tangwa ha kini ki 6 bnai kani ka sorkar da ye ko wow pynbha yeiwa emkaam waroh.
Da pyntip u wa kani ka sorkar da chong yalang ko palat 10 sien wa ki tnat krehkaam waphær waphær ka sorkar pyrdi, heiwa da yoh ya ki yumut wa boon wow lait na i chah ktah ka rymaw wa kamjooh wow yada ya kiwa kreh mooyong.
Da ong u wa i tih mooyong ha ka jylla ym khang dooh i neibhah wa ktah i yei kamai ki paidbah.
Da pynrap u leh deiwa ong wa em ki kyndon katkam ka MMDR Act wa ka sorkar jylla da e yumut ko wow pyndam noh, wei hanlada ymye u pyndam lut ya kini ki kyndon tangwa da em kiwa da mynjur wei wow pynyinsur noh ha kani ka jylla.
Discussion about this post