Ym khang ka sorkar ya ki kari Tourist na kiwi ki jylla | Daw yaklam wow pynkhlan yei kamai ki tre jylla

Ka sorkar jylla ynne da kyntait ko wow khang ya ki Tourist Taxi na baar jylla neidaw wa ym chah ka aiñ wei daw khut won ko ya ka yalang hapyrdi ki tre Hotel wa Resort kammon wow pynku yei kamai ki Tourist Taxi napoh ka jylla, wei ya ini da ong da u Symbood Montri Rangbah ka jylla, u Sniawbhalang Dhar hadien ka yalang wa ka All Khasi Meghalaya Tourist Taxi Association (AKMTTA) ynne ka sngi.

Da ong u wa ka Association da kyrpaad ko wow khoom u khang ya ki Tourist Taxi na baar jylla tangwa ym chah ya won ka aiñ yeitæ wei neiliang yong ki leh da sñiawthooh ki yeini.

Neiliang u Advocate General (AG) da pynche u wa ka aiñ ym ye ko wow khang ya ki kari Tourist Taxi na baar wow psiah chapoh ka jylla. 

Related posts

Yoh jamin ki 7 ngut deilang u waheh chnong heiyatoh wa i yap uwa chah dat

January 8, 2026

Daw pynman ya ka Crochet & Rope Sewing Training neibynta kiwa 11 snem chaneiñ

January 8, 2026

U Sniawbhalang da ong u leh wa daw khut ya ka yalang hapyrdi ka Association, ki tre Hotel kamjooh ki tre Resort wa ki Tour Operator wow phyllu kammon u pynkhlan yei kamai ki Taxi napoh ka jylla.

Chooh chooh da pyntip u wa da kyrpaad ya ki Tourist Taxi na ka jylla wa toh u man kiwa khooid, kiwa pliah wei ya kiwa yah won wow man kiwa em akor khnang wa ki bru wa wan cha Meghalaya u man kiwa hun mynsien.